Хөлбөмбөгийн дэлхийн аварга шалгаруулах тэмцээний урьдчилсан шатны Европын бүсийн дөрөвдүгээр тойргийн тоглолтууд болсон билээ. Өнгөрсөн шөнө Бельгийн шигшээ баг Эстонитай тулж, 8:1-ээр буулгаж авсан юм.

Ингэснээр Бельгийн шигшээ баг 2005 оны есдүгээр сараас хойш анх удаа өрсөлдөгч багийнхаа хаалганд 8 гоол оруулж, том ялалт байгууллаа. Тухайн үед Бельгийн шигшээ Сан-Мариног 8:0-ээр хожиж байсан юм байна. Бельги одоогоор Европын бүсэд хэсэгтээ дөрвөн тоглолтоос дөрөв хожиж, 12 оноотойгоор тэргүүн байрт бичигдэж байгаа билээ.