Дээрхийн гэгээнтэн XIV Далай лам өнөөдөр Монголд ирэх талаар Бурхан шашны төв Гандантэгчинлэн хийдээс мэдээлсэн билээ. Тэрбээр манай улсад ес дэх удаагаа номын айлчлал хийж буй нь энэ бөгөөд 1979 оноос хойш өнөөг хүртэл нийт найман удаа заларчээ.

Түүнийг ирэх болсонтой холбоотойгоор зарим хүмүүс “Далай лам Есдүгээр Богдын хойд дүрийг тодруулна” гэх зэргээр өчигдөр мэдэгдэл хийсэн удаатай. Тэгвэл Далай багшийг залах ажлын хэсгийн зохион байгуулагч С.Даваапүрэв лам уг мэдээллийг үгүйсгээд, “энэ удаагийн айлчлал улс төрөөс ангид, Есдүгээр Богдын хойд дүрийг тодруулах бус цэвэр номын айлчлал байх болно” гэдгийг онцоллоо.