Түвдийн бурхны шашны тэргүүн 14 дүгээр далай лам Монголд айлчилсантай холбогдуулан БНХАУ-ын Гадаад хэргийн яамнаас мэдэгдэл хийлээ.

Тус мэдэгдэлд “Монгол Улс БНХАУ-ын талаас удаа дараа анхааруулан хориглосоор байтал үл ойшоож, Далай ламыг урьсан” явдлыг буруушаажээ. Далай лам энэ сарын 18-нд манай улсад айлчилсан ч, Хятадын талаас 14 дүгээр далай ламыг Монгол руу нэвтрүүлэхгүй байхыг  манай улсаас шаардаж байсан аж.   

Мөн тус улсын Гадаад хэргийн яамны төлөөлөгч “Далай лам аливаа улсын өндөр албан тушаалтнуудтай ямар нэг хэлбэрээр холбоо тогтоохын эсрэг байх”-аа онцолсны зэрэгцээ Монгол Улсын талд хандан “БНХАУ-ын ашиг сонирхол хийгээд чухал  асуудлыг хүндэтгэн үзэж,  энэ удаагийн Далай ламын айлчлалаас үүдэлтэй сөрөг нөлөөг оновчтойгоор  арилгах шаардлагатай” хэмээн уриалсан байна.