Цагдаагийн байгууллагад өчигдөр иргэд, аж ахуйн нэгжээс 5448 удаагийн дуудлага ирсэн байна. Үүнээс гэмт хэргийн 98, зөрчлийн 1574, согтуугийн 674, зам тээврийн ослын 347, сонгуультай холбоотой 71 мэдээлэл бүртгэгдсэн аж. Гэмт хэргийн шинжтэй 42 үйлдлийг холбогдох нэгжүүд шалган, 30 хэргийн эзэн холбогдогчийг илрүүлжээ.

 Мөн Улаанбаатар хотод золгүй байдлаар гурван хүн нас барсан байна. Түүнчлэн дээрэмдэх гэмт хэрэг нэг, булаах гэмт хэрэг гурав, хулгайлах гэмт хэрэг 30, халаасны хулгайн гэмт хэрэг гурав, бусдын биед гэмтэл учруулах гэмт хэрэг зургаа, танхайрах гэмт хэрэг зургаа, мөнгөн тэмдэгт хуурамчаар үйлдэх гэмт хэрэг нэг гарчээ.