Улаанбаатар хотын Замын цагдаагийн ЖШУХ-т өчигдөр нийт 350 дуудлага мэдээлэл хүлээн авснаас зам тээврийн ослын 259 дуудлага бүртгэгдсэн байна. Тухайлбал, 14 хүн хүнд хөнгөн гэмтэж, гурван хүүхэд зам тээврийн осолд өртжээ. Мөн согтуугаар тээврийн хэрэгсэл жолоодсон 76 жолоочийг журамлаж, гарч болзошгүй аюулаас сэргийлсэн талаар Улаанбаатар хотын Замын цагдаагийн газраас мэдээллээ.

Түүнчлэн онц ноцтой нэг осол гарсан байна. Тодруулбал, Сүхбаатар дүүргийн Чингэлтэйн өргөн чөлөөнд байрлах Уянга караокены урд талын замд “Тоёото аллион” маркийн машины жолооч Б явган зорчигч 55 настай эрэгтэйг мөргөж, амь насыг нь хохироосон хэрэг гарчээ. Хохирогч хэн болох нь одоогийн байдлаар тогтоогдоогүй байгаа ажээ.