Английн премьер лигийн 14 дүгээр тойргийн үлдсэн ганц тоглолт өнгөрсөн шөнө боллоо. Энэ тойргийг “хөшиг”-ийг хааж, доод лигээс гарч ирсэн “Мидлсбро” клуб талбайдаа хүснэгтийн ёроолд бичигдэж байгаа “Халл Сити”-г хүлээж авлаа. Энэ тоглолтод талбайн эзэд өрсөлдөгчөө 1:0-ээр буулгаж авч, ээлжмит гурван оноогоо авлаа.

Ингэснээр “Мидлсбро” 15 оноотой болж, 13 дугаар байрт бичигдэж байна. Тоглолтын хувь заяаг шийдсэн цорын ганц гоолыг Гастон Рамирес 60 дахь минутад оруулжээ. “Халл”-ын хувьд 14 тойрогт ердөө 11 оноотойгоор 19 дүгээр байрт яваа билээ.