Германы Бундес лигийн 20 дугаар тойргийн эхний тоглолтууд өнгөрсөн шөнө боллоо. Энэ тойрогт тэргүүлэгч “Байерн Мюнхэн” клуб  “Ингольштадт”-ын талбайд зочилж, 0:2-оор буулгаж авлаа. Ингэснээр 49 оноотой болж, араасаа нэхэж буй багаас 7 оноогоор тасраад байна.

Тоглолтын эцсийн мөчид “Байерн” хоёр гоол оруулсан. Тодруулбал, Видаль, Роббен хоёр хоёулаа шүүгчийн мэдлийн цагт гоолдож, багтаа ялалт авчирсан юм.  Тэгвэл энэ тойрогт “Лейпциг” клуб талбайдаа “Хамбург”-т 0:3-аар хожигдсон бол “Айнтрахт” клуб “Байер”-т талбайд нь 3:0-ээр ялагдсан. Мөн тэргүүлэгчийг нэхэж байгаа “Боруссия Дортмунд” клуб “Дармштадт” клубын талбайд 2:1-ээр хожигдсон юм.