Английн алдартай “1 direction” хамтлагийн гишүүн Луи Томлинсон хүүхдээ хамтран өсгөх эрхийг олж авахаар шүүхэд ханджээ.  Луигийн экс найз бүсгүй стилист Бриана Жунгвирт өнгөрсөн оны нэгдүгээр сард Лос-Анжелест амаржиж, хүү төрүүлсэн байдаг.

Гэсэн ч тэдний хооронд ямар нэг хайр сэтгэл байгаагүйг дуучин залуу олон нийтэд илчилж, одоогоор өөр бүсгүйтэй болзож буй билээ. Тэгвэл Луи хүүгээ хамтран өсгөх эрхийг олж авахаар шүүхэд гомдол гаргажээ.

Тэрбээр гомдолдоо сүүлийн үед хүүтэйгээ уулзаж чадахгүй байгаагаа бичиж, Брианатай яг ижил хугацаанд хүүтэйгээ хамт байхыг хүссэн байна.