Английн Хөлбөмбөгийн холбооны цомын 1/16 шигшээн хариу тоглолтууд өнгөрсөн шөнө эхэллээ. Эхний тоглолтдоо тэнцсэн багууд хариу тоглолтоор асуудлаа шийддэг журамтай юм. Тэгвэл өнгөрсөн шөнө зургаан тоглолт болж, шөвгийн 16-д үлдэх дөрвөн багийн нэр тодорхой боллоо.
Эхний тоглолтод “Сандерланд”-ын талбай хуурай тэнцсэн учир энэ удаад “Бөрнли” гэртээ тоглосон. Энэ тоглолт талбайн эзэд өрсөлдөгчөө 2:0-ээр буулгаж авч, шөвгийн 16-д шалгарлаа. Тоглолтын 44 дэх минутад Воукс тооны харьцааг нээсэн бол Грэй 83 дахь минутад гүйцээжээ.
Тэгвэл “Кристал Палас” энэ удаад талбайдаа “Болтон”-ыг хүлээж авч, 2:1-ээр буулгаж авснаар дараагийн шатанд үлдлээ. Тоглолтын 48 дахь минутад зочин багаас Генри тооны харьцааг нээсэн. Харин Бентеке 68, 77 дахь минутад хоёрыг оруулснаар багтаа ялалт авчирчээ.
Бусад тоглолтын үр дүн
Барнсли 1-2 Блэкпүл
Уимблдон 1-3 Саттон Юнайтед
Флитвуд Таун 0-1 Бристоль Сити
Линкольн Сити 1-0 Ипсвич
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
