“Алтан унжлагат” хэмээх гал тахиа жилийн сар шинийн баярт зориулсан хүчит бөхийн барилдааны долоогийн даваа өндөрлөлөө. Шөвгийн дөрөвт Улсын аварга Ч.Санжаадамба, Улсын гарьд Б.Гончигдамбыг амалж, Улсын харцага Ц.Содномдорж, аймгийн арслан О.Хангай нар тунасан. Тэгвэл аварга Ч.Санжаадамба гарьд Б.Гончигдамыг давсан бол аймгийн арслан О.Хангай харцага Ц.Содномдоржийг өхийлдөх мэхээр давж, хоёр дахь удаагаа түрүү, үзүүр булаалдахаар шалгарч үлдлээ.
Тэрбээр 2014 онд үзүүр түрүүнд Улсын гарьд Д.Рагчаатай үлдэж, өвдөг шороодож байсан билээ. Тухайн үед аймгийн арслан О.Хангай дөрвийн даваанд улсын арслан Д.Азжаргал, тавын даваанд улсын арслан Х.Мөнхбаатар, зургаагийн даваанд улсын аварга С.Мөнхбат, долоогийн даваанд тэр үед улсын заан цолтой байсан аварга Ч.Санжаадамба нарыг өвдөг шороодуулж, үзүүр, түрүү булаалдахаар шалгарч үлдэж байсан билээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
