Азебайжаны нийслэл Баку хотноо жүдо бөхийн “Их дуулга” ангиллын тэмцээн өчигдөр эхэллээ. Эхний өдөр манайхаас хоёр л бөх барилдсан. Тодруулбал, 60 кг-д Гавьяат тамирчин Д.Амартүвшин зодоглосон бол 66-д өнөө жилийн улсын аварга Г.Хэрлэн барилдсан юм. Манай хоёр бөхийн хувьд хоёулаа торгуулийн тойрогт ялагдаж, тэмцээнээ дуусгалаа.
Д.Амартүвшин эхний тойрогтоо хийлж, хоёрдугаар тойрогт Узбекстаны Тилолив Мухриддинтэй барилдсан ч ялагдсан. Улмаар торгуулийн тойрогт Беларусийн Герчеь Яниславтай барилдсан ч ялагдаж, тэмцээнээ дуусгажээ.
Харин Г.Хэрлэн эхний тойрогтоо Азербайжаны Хасанов Эмилийг ялсан ч хэсгийн аваргын төлөөх барилдаанд Японы Такажо Томофүмиг баралгүй торгуулийн тойрог руу унасан. Гэвч торгуулийн тойрогт Гүржийн Лашаг баралгүй тэмцээнээ дуусгасан байна.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
