МАН-ын Удирдах зөвлөл хуралдаж, Сангийн сайд асан Ж.Эрдэнэбатыг Ерөнхий сайдад нэр дэвшүүлэхээр болжээ. Уг шийдвэрийг 14.00 цагаас МАН-ын бага хурлаар хэлэлцэж, эцэслэн шийдвэрлэх юм байна.

Түүнтэй хамт Ерөнхий сайдад У.Хүрэлсүх, Ж.Мөнхбат, Н.Энхболд, С.Бямбацогт нарын нэр яригдаж байсан ч МАН-ын Удирдах зөвлөл түүнийг дэмжсэн байна. Ийнхүү Ж.Эрдэнэбат Монгол Улсын 29 дэх Ерөнхий сайд болох эсэх нь МАН-ын бага хурлаар хэлэлцэгдсэний дараа УИХ-ын чуулганы хуралдаанаар шийдэгдэнэ.

Сэлэнгэ аймгийн Засаг даргаар ажиллаж байсан Ж.Эрдэнэбат өмнө нь Сангийн сайдаар ажиллаж байсан, МАН-ын шилдэг, залуу эдийн засагч гишүүдийн нэг юм. Дашрамд дуулгахад,  Ерөнхий сайдад Ж.Мөнхбат нэр дэвшүүлсэн ч өөрөө нэрээ татсан байна.