Өрнөд бүсийн аваргын төлөөх эхний тоглолт Голдэн Стэйт Уорриорс талбай дээрээ Сан Антонио Спөрс багтай тоглолоо. Тоглолтын эхний хагасыг 62-42 харьцаагаар илүүрхэж байсан ч сүүлийн хагасын долоо дахь минутад Спөрсын гол тоглогч Кавай Леонард шагай эвгүй гишгэж үлдсэн минутад тоглоогүй байна. Харин 23 онооны илүүг Спөрс хамгаалж чадалгүй 111-113 харьцаагаар хожигдож цувралыг 1-0 харьцаагаар Уорриорс тэргүүлж эхэллээ.

Тус тоглолтод Стифэн Көрри 40 оноог авч багаа тэргүүлсэн бол Кэвин Дурант 34 оноогоор тусалжээ. Харин эсрэг багаас Ламаркус Олдридж 27, Кавай Леонард 26 оноог тус тус авсан бол сэлгээнээс Ману Жинобли 17 оноогоор тусалжээ.