АШУҮИС-ийн захирлын нэрэмжит тэтгэлгийн батламж гардуулах ёслол өчигдөр тус сургуулийн төв байранд болсон. Тус сургуулийн 102 оюутан энэ өдөр сургуулийнхаа захирлаас тэтгэлгийн батламжаа гардсан юм. Энэ үеэр тэтгэлэгт хамрагдсан оюутнуудын төлөөлөл болсон шилдэг оюутан З.Баярчимэгтэй ярилцсанаа хүргэе.

 Захирлынхаа нэрэмжит тэтгэлэгт хамрагдсанд баяр овутан энэ өдөр захирлаасаа  хүргэе. Өөрийгөө манай уншигчдад танилцуулахгүй юү?

-Баярлалаа. Намайг Зоригтын Баярчимэг гэдэг. Би АШУҮИС-ийн АУС -ийн тавдугаар дамжаанд хүний их эмч мэргэжлээр суралцдаг.

-Энэ тэтгэлэг гурван төрлөөр явагддаг юм байна. Чиний хувьд ямар шалгуур үзүүлэлтээр шалгарав. Хэддэх удаагаа тэтгэлэгт хамрагдаж байна вэ?

-Энэ хичээлийн жилд Захирлын нэрэмжит тэтгэлгийг дөрөв дэх удаагаа авч байна. Энэхүү тэтгэлэг нь Г.Батбаатар захирлыг ажлаа хүлээн авснаас хойш жил бүр хавар, намар гээд  хоёр удаа зарлагддаг бөгөөд сурлагын амжилт, нийгмийн идэвх, нийгмийн халамж гэсэн гурван төрлөөр зарлагддаг. Миний хувьд сурлагын амжилтаар  дөрөв дэх жилдээ тэтгэлэг хамрагдаж байна. Энэхүү тэтгэлгийн хамгийн давуу тал нь хичээж байгаа хэнийг ч ялгахгүй урамшуулах ба үнэхээр сайн байж чадвал хэдэн ч удаа энэ тэтгэлгийг хүртэх боломж байдаг нь оюутан бидэнд том боломж гэж хардаг. 

-Амжилттай сайн суралцахад чамд юу нөлөөлж байна вэ?

-Амжилттай суралцах гэдэгт тасралтгүй тууштай суралцахыг хэлдэг болов уу гэж бодож байна. Тийм болохоор шалгалтын өмнөх долоо хоногт өөрийгөө хичээлээр шахах бус өдөр бүр нэгэн жигд бага багаар суралцаж явах нь миний хувьд зөв юм шиг санагддаг. Манай сургуульд үлгэр дууриалал авахуйц олон мундаг оюутан байдаг. Тэдгээр оюутнуудаас ажиглахад аливаа сэдвийг нэг гүйлгэж уншаад орхилгүй үргэлж яагаад гэдэг эрэл хайгуул хийж хичээлээ уншиж ойлгодог ингэснээрээ тухайн сэдвийнхээ мөн чанарыг ойлгож улмаар мартана гэсэн асуудал гарахгүй . Бид нарын ихэнх нь хичээлээ уншиж байхад нэлээд уншиж, ухаж ойлгох сэдэв гарч ирвэл энэ ямар ойлгомжгүй  сэдэв вэ энэ сэдвийг дараа нь харъя эсвэл ангийнхаа өөр оюутнаар яриулъя би лав одоохондоо ойлгохгүй юм байна гээд үлдээчихдэг гэтэл тэр хэсэгт л хамгийн гол ойлголт нь агуулагдсан байдаг. Тиймээс хэцүү ойлгомжгүй санагдаж л байвал түүнийг ойлгохыг хичээх нь хамгийн зөв гэж миний хувьд боддог.

Мөн гэр бүл, сургууль, багш нар, хамт олон маань мэдээж нөлөөлж байгаа. Энэ тэтгэлэг лав надад асар их урам өгдөг.

-Сургуулийнхаа удирдлагад болон үеийн залуустаа юу гэж хэлэхийг хүсч байна вэ?

-Намайг энэ сургууль анх орсноос хойш сургууль маань олон сайхан бүтээн байгуулалт хийж, бидний сурах орчин улам гоё болж байгаа. Өнөөдрийн энэ тэтгэлэг ч манай сургуулийн зүгээс оюутан бидэнд чиглэсэн хамгийн сайн үйл ажиллагаа гэж бодож байна.

Үе тэнгийнхэн гэхээсээ илүү анагаахын сургуульд шинээр элсэн орж ирсэн дүү нартаа хандахад бусад анагаахын чиглэлийн оюутнуудтай найзалж нөхөрлөж би ер нь хэр мэдлэгтэй, аль түвшинд явж байна, би одоо юу шинээр сурч мэдэх ёстой, өөрийгөө яаж хөгжүүлэх хэрэгтэй вэ гэдэг талаас нь байнга эрэл хайгуул хийж байгаасай гэж хүсч байна. Миний хувьд дээд курсынхэн эсвэл өөр сургуулийн анагаахын оюутнууд бүр гадаадад анагаахын чиглэлээр суралцаж байгаа найз нөхдөөсөө хүртэл одоо ямар хичээл үзэж байна, ямар шалгалтад бэлтгэж байна гээд байнга асууж тэднээс суралцдаг. Заримдаа хүнд найз нөхөд нь хэн хүнээс илүү сайн зөлөгч байж чаддаг.

-Анагаахын чиглэлээр суралцаж байгаа оюутнууд асар их унших, судлах зүйл ихтэй байдаг гэсэн. Өдөрт хэчнээн цагаар хичээл хийдэг вэ. Ирээдүйд ямар чиглэлээр ажиллах сонирхолтой вэ?

-Миний хувьд олон цаг суухыг чухалчлахгүйгээр үр бүтээлтэй 3-4 цаг хичээллэхийг эрмэлздэг.Долоо хоногийн аль нэг өдөр хичээл огт  хийхгүйгээр өөр зүйл хийж, тархи толгойгоо амраахыг хичээдэг. Ирээдүйд хүүхдийн эмч мэргэжлээр ажиллах сонирхолтой .