NBA-ын талбайд плэйоффын эхний шатны гурван тоглолт боллоо. Эхний тоглолт Бостон Селтикс талбайдаа Брүүклин Нетс багтай цувралын гурав дахь тоглолтыг хийж эцсийн мөчид 119-125 харьцаагаар хожлоо. Улмаар цуврал 2-1 болж ойртсон бөгөөд цувралын дөрөв дэх тоглолт энэ сарын 31-ны өглөө Селтиксийн талбайд болно.

Тус тоглолтод Жейсон Тэйтум 50 оноо, 6 самбар, 7 дамжуулалтаар багаа тэргүүлжээ. Тэрбээр Плейоффт 50+ оноо, 5+ самбар, 5+ ассист, 5+ гурваас хийсэн долоо дахь тоглогч бөгөөд түүнээс өмнө Коби Брайнт, Винс Картер, Дамиан Лиллард, Кэвин Дурант, Донован Митчел, Жамал Муррэй (2 удаа) нар гүйцэтгэж байжээ. Түүнд Маркус Смарт 23 оноо, 6 дамжуулалт, Тристон Томпсон 19 оноо, 13 самбараас авчээ. Эсрэг багаас Жеймс Харден 41 оноо, 7 самбар, 10 дамжуулалтаар багаа тэргүүлсэн бол Кэвин Дурант 39 оноо, 9 самбар, Кари Ирвинг 16 оноог авчээ.