NBA-ын талбайд плэйоффын эхний шатны гурван тоглолт боллоо. Эсрэг багийнхаа талбайгаас хоёр хожил авч чадсан Даллас Мавирекс өнөөдөр талбайдаа Лос Анжелес Клипперс багтай цувралын гурав дахь тоглолтоо хийлээ. Эхний үеийн хагаст 15 оноогоор хоцорч байсан ч оноог ойртуулж чадснаар Клипперс 3 оноо болгож ойртуулж чаджээ. Улмаар давамгайлалаа алдалгүй явсаар 118-108 харьцаагаар Клипперс хожил байгууллаа. Улмаар цувралыг 2-1 болгож Клипперс ойртуулж байгаа бөгөөд цувралын дөрөв дэх тоглолт энэ сарын 31-ны өглөө Мавирексын талбайд болно.

Тус тоглолтод Кавай Леонард 36 оноо, 8 самбар, 2 хаалтаар багаа тэргүүлсэн бол Пол Жорж 29 оноо, 7 самбар, 4 дамжуулалт, Режжи Жексон 16, Маркус Моррис 15 оноогоор тусалжээ. Эсрэг багаас Лука Дончич 44 оноо, 9 самбар, 9 дамжуулалтаар бүх тоглогчдыг тэргүүлсэн бол Жэлин Брансон, Макси Клебер нар 14 оноог авчээ.