Сүүлийн 24 цагт 6026 хүний шинжилгээний хариу гарч, 927 хүнээс коронавирусийн халдвар илэрчээ. 927 тохиолдол нь ойрын хавьтлууд болон иргэдийн сайн дураараа өгсөн шинжилгээнээс илэрчээ.

Шинээр илэрсэн халдваруудын 829 нь нийслэлд, 98 нь орон нутагт бүртгэгджээ. Орхон аймагт найм, Дархан-Уул аймагт дөрөв, Төв аймагт 41, Хэнтийд хоёр, Сүхбаатарт долоо, Архангайд хоёр, Булганд долоо, Ховдод тав, Баян-Өлгийд долоо, Увсад 12 тохиолдол бүртгэгджээ. Нас баралтын тухайд сүүлийн 24 цагт дөрвөн хүн нас баржээ.

Ингэснээр нийт нас баралт 276 болж байна. Харин сүүлийн 24 цагийн хугацаанд 682 хүн эдгэрчээ. Одоогийн байдлаар улсын хэмжээнд 4475 хүн эмнэлэгт хэвтэн эмчлүүлж байна. Эдгээр хүмүүсийн 53.5 хувь нь хөнгөн, 34.3 хувь нь хүндэвтэр, 9.7 нь хүнд, 2.5 нь маш хүнд байна гэдгийг Эрүүл мэндийн яамнаас мэдээллээ.