Төв аймгийн Алтан булан сум дахь Зэвсэгт хүчний ангийн байлдагч өөрийгөө буудсан хэрэг гарчээ. Тодруулбал, энэ сарын 3-нд Зэвсэгт хүчний жанжин штабын харьяа, Химийн 119-р цэргийн ангид алба хаахаар ирсэн 21 настай, байлдагч Д манаанд гарч байх үедээ цэргийн зориулалттай “АКМ” маркийн буугаар өөрийгөө буудан хүнд гэмтсэн байна. 

Хэрэг оройн 01:00 цагийн орчимд гарсан бөгөөд тус өдөр байлдагч Д-гээс гадна хоёр цэрэг шөнийн манаанд гарч байсан гэх мэдээлэл байгаа юм. Тус хэрэгт Төв аймгийн цагдаагийн газраас эрүүгийн хэрэг үүсгэн шалгаж эхэлсэн бөгөөд мөрдөгч Б.Бат-Эрдэнэ хэргийг хариуцан ажиллаж байгаа аж. Харин бэлтсэн байлдагчийг харуулын албаныхан Төв аймгийн нэгдсэн эмнэлэгт хүргэж, яаралтай тусламж үзүүлсэн байна.