Рианнагийн содон гоёл
Хөгжмийн ертөнцөд өөрийн гэсэн дуу хоолойгоороо бусдаасаа ялгарч чаддаг дуучин Рианна тун өвөрмөц имижтэй нэгэн. Түүний аливаа хөгжмийн наадам, баяр ёслолд сонгосон гоёл хийгээд жирийн үед өмссөн хувцас нь ч олны анхаарлын гадуур өнгөрдөггүй гэхэд болно. Тэгвэл дуучин бүсгүй өнгөрөгч амралтын өдрүүдэд нэгэн содон хувцас өмссөн байсан гэнэ.
Бүсгүй аварга том улаан зүрхэн үслэг хүрмийг жинсэн богино өмдтэй хосуулан өмсч, Нью-Йоркийн гудамжаар алхаж явсан сурагтай. Олны анхаарлыг татаж, зарим эмэгтэйчүүдийн шуналыг хөдөлгөсөн бүсгүйн үслэг гоёл 15500 ам.долларын үнэтэй аж. Ерөнхийдөө зун дууссаны дараагаас эхлэн барууны одод үслэг эдлэлээр гангарах нь элбэг байдаг.
Гэхдээ Рианнагийн сонгосон гоёлын хэлбэр, өнгө дүрс нь ч сонин содон байгаа биз. Бүсгүй энэ өдөр найзынхаа төрсөн өдөрт оролцож явжээ. Рианнагийн хувьд саяхнаас шар сайтуудын гаргасан цуурхал төдий мэдээлэлд цэг тавьж, реппер Дрэйктэй дотно харилцаатай гэдгээ тоглолтынхоо үеэр батлаад амжсан юм. Ямартай ч, хайр дурлалдаа умбаж яваа бүсгүйн найзынхаа жирийн нэг төрсөн өдрийн баярт зориулан сонгосон гоёл нь ийм байна.
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
