“Цахим үндэстэн 2021” үйл ажиллагаа Баасан гарагт нээлтээ хийсэн. Энэ үеэр олон хүнийг цуглуулж, халдвар хамгааллын дэглэм алдагдуулсан хэмээн олон нийт шүүмжилсээр байна. Тус арга хэмжээг Харилцаа холбоо, мэдээллийн технологийн газраас зохион байгуулж байгаа юм.

Ийнхүү Засгийн газар халдвар хамгааллын дэглэм зөрчиж, бөөгнөрөл үүсгэж байгаа асуудалд Ерөнхий сайд Л.Оюун-Эрдэнэ дараах тайлбарыг өглөө. “Цахим үндэстэн арга хэмжээний хувьд 120 орчим аж ахуйн нэгж хамтарч, технологийн дэвшлээ танилцуулж байна. Ерөнхий сайдын хувьд цахим шилжилтийг дэмжиж байгаа учраас тус үйл ажиллагаанд оролцсон. Хувийн хэвшлийнхний томоохон хэмжээний технологийн дэвшлээ залууст ойлгуулах гэсэн оролдлого байсныг буруутгаж болохгүй.

Вакцинжуулалт 60 хувьд хүрсэн улс орнууд гадаа талбайн арга хэмжээгээ нээлттэй болгосон. Бид цаашид дотор болох соёл урлагийн арга хэмжээг нээлттэй болгох тал дээр ажиллана” гэсэн юм. Мөн тэрээр "Эдийн засаг дөрөв, тавдугаар сард хасах бланс руу орж, улсын төсөв 23 хувиар тасалдсан амаргүй цаг үед ажиллаж байна. Засгийн газраас нээлттэй байх бодлогыг энэ оны дөрөвдүгээр сараас хойш баримталж байна"