Зорчих хүсэлтээ илэрхийлсэн булган аймгийн иргэдийг орон нутагт нь хүргэхээр хөдөллөө
Аймгийн Засаг даргын захирамжаар Орхон аймгаас бусад орон нутагт зорчих болон бусад орон нутгаас Орхон аймагт зорчин ирэх иргэдийг зөв зохион байгуулалтаар хүлээж авах, орон нутагт нь буцаах ажлын хэсэг байгуулагдсан.
Өнөөдөр Булган аймгийн иргэдийг орон нутагт нь буцаах ажлыг зохион байгууллаа. Тус аймагт зорчих хүсэлтэй нийт 134 иргэн байна.
Эдгээр 134 иргэдийг өчигдөр буюу 2020.12.03-ны өдөр PCR шинжилгээнд хамруулсан. Нийтийн тээврээр зорчих хүсэлтэй илэрхийлсэн 81 иргэнийг журмын дагуу том оврын хоёр автобусаар тээвэрлэн хүргэж байна.
Халдвар батлагдсан орон нутгаас бусад орон нутагт зорчиж буй иргэдийн хувьд заавал PCR шинжилгээ өгсөн байх шаардлагыг Улсын Онцгой комиссоос мэдэгдсэн. Гэвч иргэдийн дунд
түргэвчилсэн тестээр шинжилгээ өгч түүгээр билет бичүүлэх, бага насны хүүхдийг асран хамгаалагчгүй зорчуулахыг завдсан зөрчлүүд илэрчээ.
Иймд Иргэд эхний ээлжинд Erdenet.mn сайтад хандаж өөрийн мэдээллээ үнэн зөв бөглөх шаардлагатай. Тус мэдээллийг үндэслэн хаана ямар цэгт очиж шинжилгээнд хамрагдах талаарх мэдээллийг шуурхай штабаас таньд утсаар мэдээлнэ.
Шинжилгээний хариу сөрөг буюу халдваргүй гарсан тохиолдолд шинжилгээний бичгийг үндэслэн таньд зорчих эрх үүсэх ажээ. Та нийтийн тээврээр зорчих бол шинжилгээний бичигтэйгээ очиж билетээ бичүүлээд автобусандаа сууна. Түүнчлэн аймгийн Онцгой комиссоос орон нутгийн иргэдийг буцаахдаа тухайн аймгуудаас зөвшөөрөл авч байна. Зарим аймгуудаас иргэд хүлээж авах боломжгүй гэдгээ илэрхийлж байгаа.
Маргааш Хөвсгөл аймгийн иргэдийг буцаахаар өнөөдөр PCR-ын шинжилгээнд хамруулаад байна.
Мэдээллийн төв
МЭДЭЭНИЙ СЭТГЭГДЭЛ
ХОЛБООТОЙ МЭДЭЭ
Веб сайтад агуулагдсан мэдээлэл зохиогчийн эрхийн хуулиар хамгаалагдсан тул зөвшөөрөлгүй хуулбарлах хориотой.
Copyright © MMINFO.MN All Rights Reserved. Powered by HUREEMEDIA.
