ЭХЭМҮТ-ийн Эрчимт эмчилгээний тасгийн эмч өчигдөр шөнө ажиллаж байх үедээ нас баржээ. Талийгаач эмэгтэй 40 гаруй насных байсан бөгөөд амрах өрөөнд хэвтэх гэж ороод босоогүй аж. Энэ талаар ЭМЯ-наас тодруулахад "Өнгөрсөн шөнө сэхээний тасгийн эмчийн зүрх нь гэнэт зогсоод нас барсан харамсалтай хэрэг гарсан. Ээлжийн тасгийн жижүүр эмч байсан учир дөрөв хоног амраад нэг өдөр ажилладаг байсан. Тиймээс ажлын ачаалал нөлөөлөөгүй. Тухайн иргэн зүрхний суурь өвчтэй байсан байх" гэлээ. Харин ЭХЭМҮТ-өөс уг асуудлыг тодруулахад мэдээлэл өгөх боломжгүй гэсэн юм.