NBA-ын талбайд таван тоглолт боллоо. Өнөөдрийн сүүлийн тоглолт Лос Анжелес Лейкэрс талбайдаа Хьюстон Рокетс багтай тоглолоо. Хоёр өмнөх тоглолтод нь Лейкэрс илүүрхэж ялсан бол энэ удаа эхний хагасыг зургаан онооны дутуу дуусан бол шийдвэрлэх үеийн сүүлчийн мөчид хоёр оноогоор илүү гарч ялалт байгууллаа. Улмаар таван хожил, гурван хожигдолтой болж өрнөд бүсийн гуравт бичигдэж байгаа бол Рокетс 1 хожил, зургаан хожигдолтой болж өрнөд бүсийн сүүлийг мушгиж байна.

Тус тоглолтод Леброн Жеймс 30 оноо, 4 самбар, 10 дамжуулалтаар багаа тэргүүлсэн бол Энтони Дэвис 27 оноо, 9 самбар, 3 хаалт, Рассел Уэстбрүүк 27 оноо, 9 самбар, 7 дамжуулалт, сэлгээнээс Кармело Энтони 15 оноог авчээ. Эсрэг багаас Кристиан Вүүд 26 оноо, 16 самбараас бөмбөг авч багаа тэргүүлсэн бол энэ жилийн драфтын тэргүүн сонголт Жэйлин Грин 24 оноо, Жэйсэн Тате 20 оноог авчээ.

Өнөөдөр болсон бусад тоглолтууд