Сүүлийн 24 цагийн хугацаанд улсын хэмжээнд халдварын 327 тохиолдол бүртгэгджээ. Шинээр илэрсэн тохиолдлуудын 171 нь Улаанбаатар хотод, 153 нь орон нутагт батлагдсан бол гурван тохиолдол гаднаас зөөвөрлөгджээ. Мөн хугацаанд коронавируст халдварын улмаас гурван хүн нас баржээ. Өнөөдрийн байдлаар халдварын улмаас нийт 1943 хүн эндээд байна.

Одоогоор коронавируст халдварын улмаас улсын хэмжээнд 4646 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 8804 хүн өрхийн эмчийн хяналтад гэрээр эмчлүүлж байна. 

Эмнэлэгт хэвтэн эмчлүүлж буй иргэдийн биеийн байдлыг үнэлбэл,

• Хөнгөн-1727
• Хүндэвтэр-2303
• Хүнд-527
• Маш хүнд-89 хүн байна.