Гарсан цагаасаа эхлэн үзэгчдийн үзэх дуртай нэвтрүүлгүүдийн нэг болж чадсан “Монгол тулгатны 100 эрхэм” нэвтрүүлэг хэсэг хугацаанд завсарлаад байгаа билээ. Тэгвэл дуулиан шуугиантайхан хэсэг завсарласан нэвтрүүлэг тун удахгүй үзэгчдийн хүртээл болох гэнэ.

Ингэхдээ хөтлөгчдийн бүрэлдэхүүнд өөрчлөлт оруулжээ. Тодруулбал, тус нэвтрүүлгийн эмэгтэй хөтлөгч П.Анужин хөтлөгчийн үүргээ гүйцэтгэхгүй бөгөөд түүний оронд загвар өмсөгч, топ модель Э.Одгэрэл 100 эрхэм нэвтрүүлгийг цаашид хөтлөн явуулах аж.

Сонирхуулахад энэ удаагийн 100 эрхэм нэвтрүүлгийн зочин хойморт Рио-2016 зуны олимпоос мөнгөн медаль хүртсэн Д.Сумъяа уригджээ. Нэвтрүүлгийн зураг авалт ч хийгдээд эхэлсэн байна.