НББХ-ны хуралдаанаар өчигдөр Донорын тухай хуулийн нэмэлт өөрчлөлтийг хэлэлцэж байна. Тэгвэл үүнтэй холбоотойгоор өнөөдөр УИХ-ын гишүүн Д.Сарангэрэл өөрийн цахим хуудсандаа энэ талаар өөрийн үзэл бодлоо илэрхийлжээ

Тэрбээр "Сошиалаар нэг хэдэн биенээсээ хандив гуйсан хүмүүс. Арга ч үгүй. Хайртай дотно хүмүүс, үр хүүхдийнхээ амь насыг аюулт өвчнөөс аврахын төлөө л хандив олох гэж буй нь тэр. Үүнийг зүгээр хараад суух аргагүй.

Тэгэх тусмаа төрийн түшээ , эх хүн, эмэгтэй хүн. Салбарын сайдаар ажиллаж байхдаа энэ байдлыг бага ч гэсэн засч өөрчлөх зорилгоор ЭМДЕГ-ын тухайн үеийн дарга Гэндэндарамын Баясгаланд асуудлыг судлах үүрэг чиглэл өгсөн. Тэрээр надтай 2 долоо хоногийн дараа уулзаж - " ЭМДСан жил бүр 30 тэрбумыг эрсдэлд төсөвлөдөг. Үүнээс 10 тэрбумыг нь зайлшгүй шаардлагаар гадаадад эмчлүүлэх талаар магадлан итгэмжлэгдсэн эмнэлгийн байгууллагын дүгнэлт гарсан өвчтний эмчилгээний зардалд зарцуулах боломжтой. Жилд ийм тохиолдол 100 гаруй гардаг юм байна. Бид ийм хүмүүстээ нэг удаад 100 саяын дэмжлэг үзүүлэх боломжтой " хэмээн танилцуулсан.

Би энэ тухай олон удаа ярьж байгаа. Хамгийн сүүлд өнгөрсөн Мягмар гаригт нийгмийн бодлогын байнгын хорооны хурал дээр Донорын тухай хуулийн төсөл хэлэлцэхэд хэлсэн. Энэ асуудлаар мэргэжлийн хүмүүс, иргэд янз бүрийн л байр суурьтай байдаг. Эх орондоо л эмчилдэг болгох хэрэгтэй, байдаг валют гадагшаа урсана гэх мэт. Хамгийн гол нь амь нас нь дээсэн дөрөөн дээр байгаа хүнийг, бяцхан хүүхдүүдээ эмчилдэг болох цаг хугацааг хүлээ гэх ямар ч боломжгүй. Амьдрал нь цаг хугацаагаар хэмжигддэг учраас ч ар гэрийнхэн нь ард иргэддээ ханддаг.

Бид хэдий хүртэл аж байдал нь тэртээ тэргүй амаргүй байгаа иргэдийнхээ хөрөнгө , мөнгөнөөс хугаслах вэ ? Гадаадад эмчлүүлэх зардлыг иргэд гаргаж бай гэдэг хууль гаргах юмуу. Төр гэж байгаа л бол иргэдийнхээ амь насыг аврах л ёстой. Үүнээс нэг тоо хэлээд миний нэр хүнд өсөөд юу базаах вэ. Тэгээд ч поп энэ тэрийг сураагүй өдий хүрчихсэн. Ялангуяа үр хүүхдүүдийнхээ амь нас , эрүүл мэндэд хариуцлагатай хандаж, хэн нэгнийг харлуулах, улс төржилт мэтийг хаяж, харин ч энэ асуудлыг хэрхэн шийдвэрлэх талаар ухаанаа уралдуулбал хичнээн сайхан. Шийдэл байхгүй, иргэд хандив гуйсаар байгаа нь бодит үнэн шүү. Д. САРАНГЭРЭЛ" хэмээжээ.