Жүдо бөхийн ДАШТ өнөөдөр Узбекстаны нийслэл Ташкент хотноо эхэлнэ. Дэлхийн 82 орны эрэгтэй 310, эмэгтэй 261, нийт 571 жүдоч энэ удаагийн дэлхийн аварга шалгаруулах тэмцээнд хүч сорино. Харин манай улсаас 18 жүдоч Ташкентын дэлхийн аваргад оролцох юм.

Өнөөдөр эрэгтэй 60, эмэгтэй 48 кг-ын барилдаанаар дэлхийн аварга "салхи хагална". Манайхаас энэ хоёр жинд хоёуланд жүдочдоо давхарласан.

Эрэгтэйчүүдийн 60 кг-д Э.Ариунболд, Э.Сумъяабазар нар хүч үзнэ. Э.Ариунболд Түүний өрсөлдөгч нь эзэн орны тамирчин буюу Узбекстаны бөх Дилшодбек Баратовтой барилдаж нэмэлт цагт торгуулиар ялснаар алтан медалийн төлөө барилдахаар боллоо. Алтан медалийн төлөө Японы бөх Такато Наошисатай барилдана.

Түүний хувьд С хэсэгт багтаж, эхний тойрогтоо хийлсэн бол хоёрдугаар тойрогт Чехийн Дэвид Пулкрабектай барилдаж хоёр удаа вазари үнэлгээ авснаар цэвэр ялалт байгуулсан бол шигшээ 16-д Недерландын бөх Торнике Закадоеатай барилдаж ялалт байгуулсан билээ. Улмаар хэсгийн аваргын төлөө Италийн бөх Анжело Пантанотой барилдаж нэмэлт цагт хоёр дахь удаа базари үнэлгээ авч ялалт байгууллаа. Шигшээ барилдаан орой 20:00 цагаас эхэлнэ.