Солонгос улсаар аялаж байгаа Bat Munh өөрийн фэйсбүүк хуудсандаа тус улсын хараагүй хүмүүс хэрхэн гудамжаар явж байгаа талаар нийтэлжээ.

Тэрбээр "Энэ залуу хараагүй залуу

Таягаараа газар тогшоод явж байгаагаар нь л хараагүй хүн байна гэж мэдсэн

Бид гуравтай зэрэг явсаар байгаад метронд сууж байгаа нь энэ

Гэрлэн дохиотой дохиогүй нэг биш нэлээн хэдэн зам хөндлөн гарч явж байж метронд суусан

Гадаа бороо орж байсан тул нэг гартаа зоонтог бариад нэг гараараа таягаараа газар мэдрээд явж байгаа мөртлөө бид гурваас түрүүлээд яваад байгаа байхгүй юу

Тэр олон машины хөдөлгөөнтэй газраар юу ч харахгүй явж байхад энэ хүнд саад болох нэг ч машин тэрэг зам дээр ургасан ТҮЦ энэ тэр юу ч байхгүй

Гэрлэн дохиогүй явган хүний зам дээр бүүр алсаас энэ хүнийг хараад машин тэрэг нь зогсоод энэ хүн машин ирж байгааг ч анзаарах ч хэрэг байхгүйгээр гарч байгаа байхгүй юу

Манайх чинь гарцаар гэрлэн дохиогоор дөрвөн зүг найман зовхист хараад хараад л гарч байхад л машин барьж байгаа хүн нь сөөм ч болтугай газар ургашлана гээд бараг машины номерыг нь арчих шахуу болж байж явган хүн нь зам гардаг даа

Тэгсэн энэ хараагүй залуу алхаж буй хурдаа огт сааруулалгүйгээр таягаараа газраа мэдрээд явчхаж байгаа юм

Бас болоогүй чихэвчээрээ хүнтэй утсаар яриад явж байгаа

Бодвол чихэвчээр нь ийшээ тийшээ яваарай баруун зүүн эргээрэй гээд жипиэс зам заагчтай байх нь гарцаагүй

Тэгэхээр ийм газар байгаа энэ хүнд стреесдэх зовох ямар ч шаардлага алга

Би чинь одоо эх орондоо нүдээ нээгээд л явж байхад л трншэйны онгорхой нүх энэ тэр гэнэт гарч ирээд үхчих гээд байхад

Энд нүдээ аниад л явахад аюул осолд өртөх эрсдэлгүй бүх зүйл нь бодсон төлөвлөсөнөөр нь болдог болохоор энэ хараагүй хүний зогсолт нь хүртэл ийм өөртөө итгэлтэй харагдаж байгаа байхдаа гэж өөрийн эрхгүй бодогдсон шүү" хэмээн нийтэлжээ.