“Ханжоу 2022” Азийн Наадмын жүдо бөхийн -100 кг-ын жинд Хилчин спорт хороо, Жи-Мобайл компанийн тамирчин Батхуягийн Гончигсүрэн хагас шигшээд АНЭУ-ын Жафар Костоевийг цэвэр ялснаар алтан медалийн төлөө барилдахаар болсон юм. Алтан медалийн төлөө Узбекстаны бөх Музаффарбек Туробоевтэй барилдана.

Харин эмэгтэй +78 кг-ын жинд Алдар спорт хорооны тамирчин ОУХМ Амарсайханы Адъяасүрэн БНСУ-ын бөх Ким Хаюнд цэвэр ялагдсан бол эрэгтэй -90 кг жинд Г.Алтанбагана Узбекстаны бөх Давлат Бобоновт ялагдаж хүрэл медалийн төлөө барилдахаар болжээ. Улмаар А.Адъяасүрэн Энэтхэгийн бөх Тулика Маантай барилдах бол Г.Алтанбагана Лебоны бөх Сагаипов Карамнобтой барилдана.

Эмэгтэй -78 кг жинд О.Хүслэн дагах барилдааныг Тайваны бөх Уэн Шуй Хэй боох мэхээр ялснаар хүрэл медалийн төлөө Узбекстаны Ирисхон Курбанаеватай барилдахаар боллоо.