УБТЗ-ын Төв эмнэлгийн Поликлиникт "Бөөр хамгаалах дэлхийн өдөр"-ийг тохиолдуулан Дотрын 1-р тасаг, бөөрний эмч нар хамтран үйлчлүүлэгчдэд гарын авлага бэлтгэн тарааж, цусан дахь сахар, даралт үзэн үйлчлүүлэгчдэд бөөрний өвчнөөс урьдчилан сэргийлэх талаар мэдээлэл өглөө.

Дэлхий даяар бөөрний архаг өвчний (БАӨ) тохиолдол нэмэгдэж байна.

Бөөрний эмгэг нь нийт хүн амын 10 хувьд тохиолдож, дэлхийд 700 сая хүн бөөрний архаг өвчтэй, жилд 3.1 сая хүн бөөрний дутагдалтай холбоотой нас барж, бөөрний архаг өвчин нь нас баралтын 7 дахь шалтгаан болж байна.

Та бөөрний архаг өвчний эрсдэлд байна уу?

• Артерийн даралт ихсэх

• Чихрийн шижин

• Бөөрний өвчний гэр бүлийн өгүүлэмжтэй байх

• Зүрх, судасны өвчин

• Таргалалт

• Ахимаг нас (50 наснаас дээш)

• Бөөрний цочмог гэмтэл

• Преэклампси

Танд 1 ба түүнээс дээш эрсдэлт хүчин зүйл илэрвэл эмчид хандана уу.

Та бөөрний архаг өвчнөөс хэрхэн урьдчилан сэргийлэх вэ?

Алтан дүрэм:

• Эрүүл амьдралын хэв маягт хэвших: дасгал хөдөлгөөн, эрүүл зөв хооллолт, хэвийн жин

• Цусны глюкозын түвшинг тогтмол хянах

• Артерийн даралтыг хянах

• Шингэнээ хангалттай уух

• Тамхи татахгүй байх

• Эмийн зохисгүй хэрэглээг татгалзах

• Эрсдэлт хүчин зүйл илэрвэл бөөрний үйл ажиллагааг хянаж байх

• Шээсний ерөнхий шинжилгээг өгөх