ESL-ээс зохиодог CS2-ын хамгийн том лигийн тэмцээн "ESL Pro League S21"-ийн эрх олгох, 40 мянган ам.долларын шагналын сантай "ESL Challenger League Season 48: Asia" тэмцээний плэй-оффын тоглолтууд үргэлжилж байна.

Тус тэмцээний дээд хүснэгтийн хагас шигшээд Монголын "ATOX Esports" баг Хятадын #2 "Lynn Vision Gaming" багтай тоглож 2-1 (Vertigo 13-11, Ancient 11-13, Nuke 13-11) харьцаагаар хожлоо.

Ингэснээр тэд дээд хүснэгтийн аваргын төлөө шалгарч, "ESL Pro League S21" тэмцээний эрхийн төлөө Хятадын #1 "TYLOO" багтай арваннэгдүгээр сарын 2-ны өдөр тоглохоор боллоо.

Харин энэ тоглолттой зэрэгцээд доод хүснэгтийн хасагдах шатанд монголын "IHC Esports" болон "The Huns Esports" багууд тоглосон юм. Оросын "SayGGTeam"-тэй учраа таарсан "The Huns Esports" 2-1 (Mirage 13-9, Nuke 10-13, Inferno 13-11) харьцаагаар хожсон бол "IHC Esports" баг оросын нөгөө төлөөлөл "GR Gaming" багийг 2-1 (Ancient 13-5, Inferno 11-13, Anubis 25-23) харьцаагаар хожиж тэмцээнээс хассан юм.

Ийнхүү The Huns Esports доод хүснэгтийн шөвгийн наймд Lynn Vision Gaming-тэй өнөөдөр 20:00 цагаас тоглохоор болсон бол IHC Esports мөн Хятадын "Bromo" багтай маргааш 20:00 цагаас тоглох юм.

Тэмцээний доод хүснэгтийн хагас шигшээ болон финалын тоглолтууд хоёр долоо хоногийн дараа Хятадын Шанхай хотод болно. Иймд тус дөрвөн багийн хожсон нь LAN тэмцээний эрхийг авах юм.