NBA-ын талбайд гурван тоглолт боллоо. Өнөөдрийн оргил тоглолт Клевленд Кавальерс талбайдаа Милоуки Багс багийг хүлээн авч тоглолоо. Энэ улиралд хоёр баг дөрвөн удаа таарч тоглох бөгөөд энэ удаагийн тоглолт гурав дахь тоглолт юм. Өмнөх хоёр тоглолт маш ойролцоо болсон ч эцсийн мөчид Кавальерс ялж байсан бол өнөөдрийн тоглолтод талбайн эзэд эхний үеэс тэргүүлж эхэлж улмаар 101-124 харьцаагаар хожил байгууллаа.

Улмаар энэ улирлын 24 дэх ялалтаа байгуулж дорнод бүсийг тэргүүлж байгаа бол Багс 14 хожил, 12 хожигдолтой болж дорнод бүсийн тавд бичигдэж байна. Багс сүүлийн дөрвөн тоглолтод дараалж хожоод байсан юм.

Тус тоглолтод Донован Митчел 27 оноо, 6 дамжуулалт, 2 таслалтаар багаа тэргүүлсэн бол Дариус Гарланд 16 оноо, 5 дамжуулалт, Дивэн Вэйд, Эвэн Мовли нар тус бүр 15 оноог авсан байна. Эсрэг багаас Яннис Антетокумпо 33 оноо, 14 самбар, 3 таслалтаар бүх тоглогчдыг тэргүүлсэн бол сэлгээнээс Крис Меддлетон 14 оноог авсан бол Диман Лилард тус тоглолтод тоглоогүй байна.  

Өнөөдөр болсон бусад тоглолтын үр дүн

Шарлот Хорнетс 98-108 Филадельфи 76
Милоуки Багс 101-124 Клевленд Кавальерс
Оклахома Сити Тандер 104-97 Миами Хит