NBA-ын талбайд таван тоглолт боллоо. Өнөөдрийн оргил тоглолт өрнөд бүсийн хоёрт бичигдэж байгаа Хьюстон Рокетс болон гуравт бичигдэж байгаа Мемфис Гриззлис багийг талбайд зочлон тоглолоо. Тоглолтын нэг болон хоёрдугаар үед Рокетс 10 оноогоор тэргүүлж байсан ч гуравдугаар үед онооны зөрүүг дөрөв болгож ойртуулсан юм. Улмаар шийдвэрлэх үеийн төгсгөлийг Гриззлис гайхалтай хийснээр 119-120 харьцаагаар эцсийн мөчид хожил байгуулж чадлаа. 

Улмаар Гриззлис улирлыг 32 хожил, 16 хожигдолтой болж өрнөд бүсийн 3-т, Рокетс 32 хожил, 15 хожигдолтойгоор өрнөд бүсийн 2-рт бичигдэж байна.

Тус тоглолтод Десмонд Бэйн 24 оноо, 12 самбар, 6 дамжуулалтаар багаа тэргүүлсэн бол Лук Кэйнард 22 оноо, Жарен Жейксон Жуниор 21 оноог тус тус авсан бол Жа Морант тоглоогүй байна. Эсрэг багаас Жэйлин Грин 25 оноо, 6 самбар, 5 дамжуулалт, Дилион Брүүкс 22 оноо, Амин Томпсон 21 оноог авсан байна.

Өнөөдөр болсон бусад тоглолтын үр дүн

Лос Анжелес Лейкэрс 134-96 Вашингтон Визардс
Атланта Хокс 115-137 Клевлэнд Кавальерс
Минносато Тимбэрволвис 138-113 Юта Жазз
Хьюстон Рокетс 119-120 Мемфис Гриззлис
Орлондо Межик 90-119 Портлэнд Трэйл Блэйзэрс