Унгар улсын нийслэл Будапешт хотод жүдо бөхийн насанд хүрэгчдийн Дэлхийн аварга шалгаруулах тэмцээн болж байна. 93 орны жүдоч өрсөлдөж буй тус тэмцээний тав дахь өдөр буюу өнөөдөр эрэгтэйчүүдийн -90 кг, эмэгтэйчүүдийн -70 кг-ын жингийн барилдаан болж медальтнууд тодорно.  Манай улсаас -70 кг жинд эмэгтэйчүүдээс Д.Есүй, Б.Ням-Эрдэнэ нар барилдана.

Б.Ням-Эрдэнэ В хэсэгт орж, эхний тойрогт хийлж, дараагийн тойрогт Ливаны бөх Акулина Лбчайебтэй барилдана. Харин Д.Есүй D хэсэгт багтаж эхний тойрогт Унгарын бөх Софи Хунозбастай барилдах бол ялбал Польшийн бөх Катарзына Полсобиерайскатай барилдана.

ДАШТ-ийг Японы баг дөрвөн алт, нэг мөнгө, гурван хүрэл медальтай тэргүүлсэн хэвээр байгаа бол Монголын баг хоёр бөх болох К.Ёолк, Б.Ганхайч нарын хүрэл медальтайгаар 10-р байр руу дэвшлээ. 16 орон ямар нэгэн медаль хүртээд байна.