The MongolZ баг өнгөрсөн шөнө нэгэн мэдээлэл нийтэлжээ. Тодруулбал, тус багийн тоглогч Senzu /М.Азбаяр/ сэлгээний тоглогч буюу inactive статуст шилжиж байгаа талаар мэдээлэл олон нийтийн сүлжээгээр цацагдсан билээ.

Энэ талаараа Senzu өөрийн твиттер хуудаснаа дараах мэдэгдлийг гаргажээ. Тэрбээр, "Юу гэж хэлэхээ ч мэдэхгүй байна, энэ шийдвэр гэнэт гаргасан шийдвэр биш байсан. өөрийн гэр орноосоо явж байгаа мэт санагдаж байна. Бид хамтдаа маш олон дурсамж бүтээсэн. Хамгийн хайртай хүмүүстээ хамгийн сайхан бүхнийг хүсье. Биднийг дэмжиж ирсэн хүмүүсээсээ уучлалт гуйя, муу мэдээ дуулгасанд уучлаарай. Та бүхний өгсөн энэ гайхалтай боломж байгаагүй бол өнөөгийн би байхгүй байх байсан. Зүгээр л бүгдэд нь баярлалаа, бүх зүйлд уучлаарай гэж хэлмээр байна" гэжээ.