Хөвсгөл аймгийн Ренчинлхүмбэ сумын Далайн зах /4-р баг/ Хилтийн Хилт гэдэг газар /Аймгийн төвөөс хойд зүгт 160км, Хатгал тосгоноос 50км/-т Цагааннуур сумын төвөөс Мөрөн сумын чиглэлд Хөвсгөл нуурын мөсөн дээр явж байсан Фургон загварын автомашин Хөвсгөл далайн хар хил рүү баруун талаараа цөмөрч орсон /зорчиж явсан 4 иргэн автомашинаас эсэн мэнд гарсан/ гэх дуудлагыг 2026.02.11-ний өдрийн 22:05 цагт хүлээн авсан.

Тус дуудлагаар Хөвсгөл аймгийн Онцгой байдлын газрын Эрэн хайх, аврах салбарын алба хаагчид ажиллаж, автомашиныг татан гаргалаа.

Иймд иргэн та бүхэн мөсөн дээгүүр зорчихгүй байхыг анхааруулж байна.