ОХУ-д болж буй Холбоодын цомын тэмцээний хэсгийн тоглолтууд өндөрлөлөө. Өнгөрсөн шөнө Б хэсгийн хоёр тоглолт болж, Герман болон Чилийн шигшээ баг хасагдах шатанд шалгарлаа.
Энэ хэсгийг тэргүүлж байсан Германы шигшээ баг өнгөрсөн шөнө Камерунтай тулж, 3:1-ээр буулгаж авлаа. Ингэснээр 7 оноотой болж, хэсгээс нэгээр гарлаа. Тоглолтын 48 дахь Демирбай гоолдож, тооны харьцааг нээсэн. Улмаар Тимо Вернер 66, 81 дэх минутад хоёрыг орууллаа. Тэгвэл зочдоос Абубакар 78 дахь минутад нэр төрийн ганц гоолыг оруулжээ.
Харин хоёрдугаарт байрт бичигдэж байсан Чили шийдвэрлэх тоглолтод Авсралитай тулж, 1:1-ээр тэнцлээ. Ингэснээр 5 оноотой болж, хоёроор гарлаа. Тоглолтын 42 дахь минутад Тройси гоолдож, Австрали тэргүүлж эхэлсэн. Харин 67 дахь минутад Родригес тэнцүүлж, Чили хэсгээс гарах болзлоо хангасан юм.
Холбоодын цомын хагас шигшээд Португал, Мексик, Герман, Чили гэсэн дөрвөн баг ийн шалгарч үлдээд байна. Энэ сарын 28-нд Португалын шигшээ баг Чилитэй тулах бол 29-нд Германы шигшээ Мексектэй тоглоно.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
