Чөлөөт бөхийн дэлхийн таван удаагийн аварга Дагестаны алдарт бөх Али Алиевын нэрэмжит эрэгтэй бөхчүүдийн уламжлалт олон улсын тэмцээн ирэх сарын 9-10-нд Капсийск хотод болно.
Манайхаас энэ тэмцээний 57 кг-ын жинд З.Занабазар, 61 кг-д Т.Түвшинтулга, 65 кг-д Н.Лхамгармаа, 70 кг-д гавьяат тамирчин Г.Мандахнаран, 74 кг-д Д.Гомбодорж, 86 кг-д О.Үйтүмэн, 97 кг-д Ч.Алтангэрэл нар Үндэсний шигшээ багийн туслах дасгалжуулагч Б.Батзоригийн удирдлага дор оролцох юм.
Энэ тэмцээнд Парист болох ДАШТ-д зодоглох манай найман эрэгтэй тамирчдын тав нь багтжээ. Өөрөөр хэлбэл эрчүүд маань ДАШТ-ий өмнөх бэлтгэл хэрхэн байгааг шалгах юм. Үүний араас Болгарт олон улсын тэмцээн болох бөгөөд энэ хоёр тэмцээнээс бөхчүүдийн бэлтгэлжилт хэр төвшинд байгааг шинжих боломжтой. Сонирхуулахад Али Алиевын нэрэмжит тэмцээнд гавьяат тамирчин Б.Наранбаатар долоон жилийн өмнө мөнгө, арван жилийн өмнө хүрэл медаль хүртэж байв.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
