Европын Хөлбөмбөгийн холбооны хамгийн нэр хүндтэй тэмцээн болох Аваргуудын лигийн нэгдүгээр тойргийн тоглолтууд өндөрлөлөө. Өнгөрсөн шөнө сүүлийн дөрвөн хэсгийн тоглолтууд болсон.
Тэгвэл Е хэсэгт багтсан хүчтэй хоёр баг болох Английн “Ливерпүүл” болон Испанийн “Севилья” клубүүд эхний тойрогт хоорондоо учраа таарсан. “Энфилд” цэнгэлдэхэд болсон энэ тоглолтоос “Севилья” нэг оноо зулгаагаад буцсан. Тодруулбал, хоёр баг 2:2-оор тэнцсэн юм.
Тоглолтын 5 дахь минутад Бен-Йеддер тооны харьцааг нээсэн. Гэвч 21 дэх минутад Фирмино тэнцүүлсэн бол Салах 37 нэгийг нэмжээ. Мөн Фирмино нэг торгуулын цохилт алдаж, багийнхаа хожих боломжийг үгүй хийсэн юм. Улмаар 72 дахь минутад Корреа гоолдож, тэнцүүлжээ. Ийнхүү айлын талбайд хоёр гоол оруулсан амжилтаараар “Севилья” хэсгийг тэргүүлж, “Ливерпүүл” удаалж байна.
Нөгөө талд “Марибор” клуб талбайдаа “Спартак”-ийг хүлээж авч, 1:1-ээр тэнцлээ. Тоглолтын 59 дэх минутад Самедов гоолдож, тооны харьцааг нээсэн. Харин 85 дахь минутад Бохар тэнцүүлжээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
