Монголын эрэгтэй сагсан бөмбөгийн баг албан ёсоор ФИБА буюу ОУ-ын сагсан бөмбөгийн холбооны чансаанд орж ирлээ. Тэгэхдээ бүр Ази тивийн 44 орноос чансааны 22-р байрт, Дэлхийн чансааны 161 гишүүн орноос 106-р байранд тус тус жагсах болов. Олон жил хүлээсний эцэст бид дэлхийн сагсан бөмбөгийн хаана яваагаа бодитоор харах боломжтой болсон нь талархмаар.
Саяхан манай улсад болоод өнгөрсөн Ази тивийн аварга шалгаруулах 2025 оны тэмцээний урьдчилсан шатны өмнөх хэсгийн эхний үеийн тоглолтуудаас цуглуулсан оноогоороо ийнхүү чанараа тогтоолгож байгаа нь энэ. Олон жил хүсэн хүлээсэн сагсан бөмбөг сонирхогчдын цангааг тайлсан үйл явдал нь энэ байв. Гэхдээ энэ бол зөвхөн эхлэл юм.
Монголын шигшээ баг дараагийн шатны урьдчилсан шатны тэмцээн 2023 оны 2-р сард Ази тивийн чансааны №15 Гуам, №24 Сингапур, №25 Хонгконгийн шигшээ багуудтай учраа тааран тоглохоор болсон. Шуугиан тариад байгаа Гуамын шигшээг эс тооцвол бидэнд жинхэнэ урьдчилсан шатанд оролцох түүхэн боломж бий. Хэрэв дам яриа биелэлээ олж бид дараагийн шатны тоглолтуудыг эх орондоо дахин хүлээн боломж гарвал тэрнээс илүү сайхан зүйл гэж юу байх билээ. Сагсан бөмбөг бол Монголын №1 спорт гэдгийг улам ихээр мэдэрч харж байнадаа.
.jpeg)
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
