ОХУ-ын Якут улсын Якутск хотын “Триумф” спортын ордонд ирэх сарын 1-2-ны өдрүүдэд ЗХУ-ын Гавьяат дасгалжуулагч Д.П.Коркиний дурсгалд зориулсан IХ дахь чөлөөт бөхийн уламжлалт “Гран-При” олон улсын тэмцээн болно. Тэгвэл энэхүү тэмцээнд манай улсаас гурван бөх оролцохоор Орост очоод байгаа ажээ.
Тодруулбал, 57 кг-ын жинд олон улсын хэмжээний мастер Т.Тулга /”Арслан” клуб, ҮБТДС, азийн өсвөрийн аварга/, 61 кг-ын жинд Гавьяат тамирчин Э.Ням-Очир /”Хилчин” спорт хороо, ДАШТ-ний хүрэл медальт/, 74 кг-ын жинд олон улсын хэмжээний мастер З.Сумьяабазар /“Арслан” клуб, ҮБТДС, өсвөрийн ДАШТ-ний болон азийн өсвөрийн аварга шалгаруулах тэмцээний мөнгөн медальт/ нар зодоглох аж.
Манай бөхчүүд тус тэмцээнд анхдугаар тэмцээнээс нь эхлэн тасралтгүй оролцож Э.Бэхбаяр, Б.Анхбаяр, Л.Төртогтох нар алтан медаль хүртэж байсан билээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
