“Парис-2024” паралимпын наадмын таеквондогийн төрлийн тэмцээн үргэлжилсээр байна.
Эхний өдөр алтан медаль хүртсэн Монголчууд бид дахин шинэ медальтнаа өлгийдөж авлаа.
Эрэгтэйчүүдийн 63 кгд хүч сорьсон дэлхийн хошой аварга, МУГТ Г. Болор-Эрдэнэ мөнгөн медаль хүртлээ. Тэрээр Туркийн Базтеке Махмуттай тулалдаж үндсэн цагт 7:7 -оор тэнцэж алтан онооны цагт ялагдлаа.
Туркийн тамирчин дэлхийд чансаагаар 1-т, манай тамирчин 2-т эрэмбэлэгдээд байгаа юм.
Гэрэл зургийг Ж. Адилбиш
