Жүдо бөхийн 2017 оны насанд хүрэгчдийн улсын аварга шалгаруулах тэмцээн хоёр дахь өдрөө үргэлжилж байгаа билээ. Өнөөдөр эмэгтэйчүүдийн 70, -78, +78, эрэгтэйчүүдийн 81, 90, -100, +100 кг-ын барилдаанууд болж байгаа. Тэгвэл дөнгөж сая эрэгтэйчүүдийн 81 кг-ын жингийн аварга бөх тодорлоо.
Энэ жинд аваргын төлөө ОУХМ О.Ууганбатаар болон Н.Дагвасүрэн нар хүч үзэж, цагаан талаас гарч барилдсан О.Ууганбаатар ялснаар улсын аваргадаа гурав дараалж түрүүлсэн юм.
Тэгвэл эмэгтэйчүүдийн 70 кг-ын жинд “Хилчин” спорт хорооны тамирчин Б.Хонгорзул болон Хан-Уул дүүргийн “Женко” клубын тамирчин Б.Хулан нар финалдсан. Энэ барилдаанд “Женко” клубын тамирчин Б.Хулан өрсөлдөгчөө дарах мэхээр өрсөлдөгчөө ялж, алтан медаль хүртсэн юм. Тэрбээр өмнө нь улсын аваргаас медаль хүртэж байсан билээ.
Харин хүрэл медалийг “Боржин төв” клубын бөх Баяртуул, “Монголын жүдо академ”-ийн тамирчин А.Бадамгарав нар хүртсэн юм.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
