Өнөөдөр буюу наймдугаар сарын 6-ны өдөр Монголын дөрвөн тамирчин чөлөөт бөхийн дэвжээнд зодоглоно.

Эрэгтэйчүүдийн 65кг-ийн жинд Т.Тулга зодоглоно. Түүний эхний өрсөлдөгч 2018 оны дэлхийн аварга, 2020, 2021 оны Ази тивийн аварга Японы Такуто Отогуротой барилдаж 6-3 харьцаагаар ялагдлаа. 

Барилдаан дөнгөж эхлэнгүүт япон бөх манай хүний ард нь гарч, хоёр оноо салгав. Т.Тулга сугадсан барьцнаас тонгорох мэх хийхийг оролдсон ч дутуудсан. Харин хоёрдугаар үед өрсөлдөгч нь дахин хоёр удаа ард гарч, оноо түүснээр 6:0-ээр тэргүүлж эхлэв. Барилдааны төгсгөлд манай хүн дайрч өрсөлдөгчөө хоёр удаа дэвжээнээс гарган оноо авснаар эцсийн дүндээ 6:3-оор ялагдлаа.

Такуто Отогуро финалд шалгарвал манай бөх дагаж барилдах боломж гарч ирнэ.