БНСУ-ын Ерөнхийлөгч Пак Гын Хетэй удаан хугацаанд дотно нөхөрлөсөн Чой Сун Сил гэгч өөрийн энэхүү харилцаагаа ашиглан сандаа их хэмжээний хөрөнгийг хандив нэрийдлээр төвлөрүүлсэн гэх хэрэгт холбогдсон билээ. Улмаар эл дуулианд Пак Гын Хе ч нэр холбогдож,  найзаасаа улстөрийн үйл ажиллагаандаа зөвлөгөө авч байсан нь олон нийтэд ил болсон удаатай. 

Тиймээс өнөөгийн Ерөнхийлөгч эмэгтэйг найзынхаа утсан хүүхэлдэй байсан мэтээр хэвлэлүүд бичиж байгаа юм. Тэгвэл хэргийн сэжигтэн болох Чой Сун Сил өчигдөр баривчлагдан хоригджээ.  Түүнийг хоригдсоны дараа тус улсын улс төрийн сөрөг хүчний хууль тогтоогчид авлигын хэргийн дуулианд Пак Гын Хег ч оролцуулан шалгахыг хуулийн байгууллагынхнаас шаардаж буй аж.  Чой Сун Сил шүүхийн шийдвэр гарах хүртэл шоронд хоригдох юм байна.