16 настай охины амь насыг онц ноцтойгоор хохироосон гэмт хэргийн шүүх хурал хоёр дахь өдрөө Баянгол, Хан-Уул, Сонгинохайрхан дүүргийн Эрүүгийн хэргийн Анхан шатны шүүхэд үргэлжилж байна. 

Шүүхээс дараах шийдвэрийг танилцууллаа. 

16 болон 32 настай эмэгтэйн амь насыг хохироосон гэх Ц.Дагвадоржид шүүхээс бүх насаар нь хорих ял оноолоо. Харин энэ хэрэгт хамжигчаар оролцсон гэх Э.Номин-Эрдэнэ, Э.Ган-Эрдэнэ, Х.Энхсайхан нарыг цагаатгаж шийдвэрлэлээ.

Тодруулбал,  Х.Энхсайхан, Э.Номин-Эрдэнэ, Э.Ган-Эрдэнэ нарт холбогдох үйлдлийг гэмт хэргийн шинжгүй хэмээн хэрэгсэхгүй болгож, тэдний цагдан хориог цуцалж өнөөдрөөс эхлэн суллах шийдвэр гаргалаа. Харин Ц.Дагвадоржийг хоёр хүний амь насыг бүрэлгэсэн гэм буруутай хэмээн үзэж бүх насаар хорих ялыг хаалттай хорих ангид эдлүүлж, 468 сая төгрөг гаргуулан амь хохирогч Ш, З нарын ар гэрт олгуулахаар шийдвэрлэв.