АНУ-ын Ерөнхийлөгчийн сонгуулиар итгэмээргүй үр дүн гарч, улс төрийн туршлагагүй үл хөдлөх хөрөнгийн тэрбумтан  Доналд Трамп ялалт байгуулж, тус улсын 45 дахь Ерөнхийлөгчөөр тодорсон.  Тэгвэл аль хэдийнэ Трампын хөрөгтэй алтадсан “I Phone” утас гарчээ.  Тус ухаалаг утсыг ОХУ-ын “Кавиар” компани үйлдвэрлэсэн байна. 

“Кавиар” компани онцгой загвар бүхий алтадсан “I Phone” утсыг үйлдвэрлэдэг бөгөөд өмнө нь В.Путины хөрөгтэй утсыг хэд хэдэн удаа гаргаж байсан билээ. Үйлдвэрлэгч “Энэ утас ОХУ, АНУ-ын харилцаанд эргэлт гарахад түлхэц болно гэдэгт итгэлтэй байна. Доналд Трампын ОХУ-ын талаар хэлсэн үгс хоёр их гүрний харилцаанд эерэг өөрчлөлт авчирна” гэх тайлбарыг хийжээ. Утас 197 мянган рублийн үнэтэй гэнэ.