Энэ сарын 8-ны өдрийн өглөө үүрээр Японы Фүкүока хотын хамгийн том галт тэрэгний буудал болох Хаката буудлын урд талын машин зам цөмөрч,  10 метр өргөн, 15 метр урт нүх гарсан билээ.

Тус замын ойролцоо метроны туннел ухах ажил хийгдэж байсан ч, өглөөний 05:00 цагт их хэмжээний ус урсаж орж ирснээс үүдэн ажлыг зогсоосон бөгөөд үерээс хойш тун удалгүй газар цөмөрч эхэлсэн аж. 

Тиймээс тухайн хэсгийн замыг зааж, засварын ажил хийгдэж эхлээд байсан юм. Тэгвэл тэрхүү ослоос хойш ердөө долоо хоног өнгөрч байхад автозам нээж, ашиглалтад оржээ. Ингэхдээ зам засварын ажил хоёрхон хоногт л дууссан гэнэ.