Том дүнтэй мөнгөн тэмдэгтүүдээ гүйлгээнээс хасч, оронд нь шинэ дэвсгэртийг нэвтрүүлснээр эмх замбараагүй байдал үүсээд буй Энэтхэгийн алтны магнат Гали Жанардхан Редди охиныхоо хуримд зориулан хааны ордон түрээсэлж, Бразилиас бүжигчин урьж авчирчээ. 

Ганц охиныхоо хуримыг дэлхийн баячуудаас дутахааргүй зохион байгуулсан алтны магнат эр дээрх бүх зардалд нийтдээ 75 сая ам.доллар зарцуулсан гэнэ. Түүний түрээсэлсэн Бангалоре ордонд 50 мянган зочид Хинди шашны хууль журмын дагуу хуримын ёслолоо зохион байгуулсан Реддигийн охинд баяр хүргэхээр цугларсан байна.

Орон нутгийн зарим мэдээллийн сайтуудын дамжуулж буйгаар Засгийн газрын том дүн бүхий мөнгөн дэвсгэртийг гүйлгээнээс хасах шийдвэр гаргасантай холбоотойгоор жирийн маш олон иргэд идэх хоолоо  худалдан авч чадахгүйд хүрч байхад, эсрэгээр алтны магнат охиныхоо хуримд сая сая ам.доллар цацсан нь иргэдийн эгдүүцлийг төрүүлээд буй гэнэ. 

Нөгөөтэйгүүр, Энэтхэгийн алтны магнат Гали Жанардхан Редди ганц охинтой бөгөөд түүнийхээ амьдралд мартагдашгүй дурсамж үлдээхийн тулд ийнхүү нүсэр хуримын ёслолыг зохион байгуулсан хэмээн түүний ойрын эх сурвалжууд тайлбарлажээ.