Интерфакс гэх мэт ОХУ-ын томоохон мэдээллийн агентлагууд дараагийн Ерөнхийлөгчийн сонгуулийн товыг зарлалаа. Тодруулбал, тус улсын Ерөнхийлөгчийн сонгууль 2018 оны гуравдугаар сарын 11-нд болох гэнэ.

Эдүгээ 64 настай Ерөнхийлөгч В.Путины дэмжигчдийн хувь өндөр хэвээр байгаа тул дахин сонгуульд нэр дэвшиж магадгүй гэсэн мэдээлэл байна. Гэхдээ тэрбээр өөрөө энэ талаар албан ёсны байр сууриа илэрхийлээгүй байгаа юм.

Ямартай ч, сонгуулийн тов зарлагдсан даруйд хэвлэлүүд В.Путин хэрэв нэр дэвшвэл ялах нь гарцаагүй хэмээн мэдээлж байна. Энэ таамгийн дагуу 2018 оны сонгуульд тэрбээр ялалт байгуулбал 2024 он хүртэл тус улсыг удирдах билээ.